දරුවන්ට බත් කැවීම තරම් යුද්ධයක් තවත් නැහැ. මෙය ඔබට පමණක් සීමා වුන තත්වයක් නොවෙයි. එය ළමාකමේ ලක්ෂණයක්.
ප්‍රංශයේ වර්සල්ස්හි ස්ටාර්ටර් ආයතනයේ මනෝ වෛද්‍ය විද්‍යාඥ බෙරෙන්ජර් රුබියෝ විසින් මේ ගැන අධ්‍යයනයක් පවත්වනු ලැබුවා. එහිදී ඔහු විසින් හඳුනා ගත් තොරතුරු අනුව පෙන්වා දෙන්නේ වයස අවුරුදු දෙකක් වූ දරුවන්ගෙන් 50 % ක්ම ආහාර ලබා දීම හිරිහැරයක් විදිහට සලකන ලද බවයි. වයස අවුරුදු තුන සපිරුන දරුවන්ගෙන් 17 % පමණ දෙනා මේ අන්දමින් ආහාර ගැනීමමත් හිරිහැරයක් සේ සලකන ලද බව වෛද්‍ය බෙරෙන්ජ් විසින් පෙන්වා දෙනවා.
එහිදී ඔවුන් විසින් හඳුනා ගත් කරුණු කීපයක් තිබෙනවා.
- දරුවන් හැම විටම ප්‍රතික්ෂෙප වීම කරන්නේ ඔවුන්ගේ ප්‍රධාන ආහාර වේලක්. අතිරේක ආහාර අවස්ථාවන් එක්ක ඒ තරම් යුද්ධයක් නැහැ.
- පලා, සහ පළතුරු දැඩි විදිහට ප්‍රතික්ෂෙප කරනවා.
- තෑගි දුන්නොත් ආයුධයක් කර ගනීවි..
නිවසේ දකින්න නැති ආහාර ගැන ඔවුන් උනන්දුවක් දක්වනවා. මේ පර්යේෂකයින් සඳහන් කරන්නේ ‘‘ පුතා බත් ඔක්කොම කෑවොත් මම තෑග්ගගක් දෙනවා කියල කිසිම විටෙක කියන්න එපා…එහෙම වුනාම හැම විටකම ඔවුන් තෑගි අපේක්ෂාවෙන් සිටින බවත් යම් ලෙසකින් එසේ නුදුන් විට ඔවුන්ගේ ප්‍රතික්ශේප වීම දැඩි වීමට පුළුවන් බවයි. ඒ නිසා දරුවන් මෙය ආයුධයක් බවට පත් කර ගැනීමටත් පුළුවනි. ඒ විතරක් නොවෙයි, දෙමව්පියන්ගේ ඇස් වසා ආහාර සියල්ල අනුභව කළ බවට මවා පාමින් දෙමව්පියන් නොමග යවන්නත් මේ තත්වය හේතු වේවි.
ආහාර පිසින්න දරුවන් සම්බන්ධ කර ගන්න..
ඔන්න අම්මා දැන් උයනන් යනවා. ඔයාත් එන්න. හය හතර තේරෙන වයසේ දරුවන් එක්ක මේ විදිහට සම්බන්ධ වුනාමත් ආහාර ගැන රුචියක් සහ උවමනාවක් ගොඩ නැගනේන පුළුවන් බව මේ අධ්‍යයනයේදී හඳුනාගත්තා.
දරුවාගෙන් විමසා සිටින්න..
ආහාර පිළියෙල කරන විට ඔවුන්ගෙන් ඒ ගැන විමසා සිටින්න. සමහර දරුවන් බිත්තර තම්බා පිලිකෙව් කළත් ඔම්ලට් හෝ බුල්-අයි වැනි අන්දමකින් ආහාරයට ගැනීමට කැමැත්තක් දක්වන්න පුළුවන්. ”නෑ..නෑ..බිත්තර තම්බලාම කන්න ඕන..” කියනවාට වඩා දරුවාගේ කැමැත්තටත් ඉඩ දෙන්න.
ආහාර සංයෝග කරන්න.
ආහාර සංයෝග කිරීමෙනුත් ආකර්ෂණීය පෙනුමක් ලබා ගන්න පුළුවනි. කොළ පැහැති එළවළු අතරට තැඹිලි, රතු වගේ වර්ණ සංකලනයන් කරන්න. ජපන් ජාතිකයින් වගේ ආහාර දිවට නොව ඇසට යන සංකල්පයේ පිහිටා විවිධ වර්ණ එකතු කිරීමෙන් පෝෂණීය ගුණයකුත් ලබා ගන්න පුළුවනි.
විවිධත්වයක් දෙන්න..
හැමදාම පාන් සහ බටර්, ආපප් සහ කෙසෙල් ගෙඩි වෙනුවට පාන් වෙනුවෙන් බිත්තර, මාමයිට්, මිරිස් අඩු සම්බෝලයක් විදිහට වෙනසක් ඇති කරන්න. බත්වලටත් කැරට්, ලීක්ස් එකතු කරමින් එළවළු හෝ වර්ණ බතක් සකස් කර දෙන්න. ගොටුකොළ කන්නම බැහැ කියනවා නම් කට්ලට් එකක්ට හෝ සලාදයක් විදිහට එහෙමත් නැත්නම් කැඳ , සුප්වලට සංයෝග කරන්න.
ආහාරවලටත් හැඩතල දෙන්න…
ආහාරවලින් මවන කලාත්මක බව නිසා දරුවාගේ ආහාර සඳහා වූ ආකර්ෂණය පමණක් නොව රුචියද වර්ධනය වෙනවා. බිත්තරයට ඇස් දෙකක් හා කටක් මවා ලස්සන බිත්තර මාමා කෙනෙක් මවන්න. කැරට් අලයකින් මල් පෝච්චියක හැඩය ගෙන බිත්තර කහමදය එහි පුරවන්න. රටඉදි ඇට ඉවත් කර බටර් පුරවන්න. එවිට වෙනදා පිලිකෙව් කළ කැරට් ඔවුන් නොදැනීම ආහාරයට ගනු ඇත.
