දෙමාපියන් ළමයින්ට සලකන හැටි දරුවන්ගේ හැසිරීමට බලපාන්නේ කොහොමද?

Stressed mother with son

අම්මලා හරි හොඳයි කිව්වත් සමහර අවස්ථාවල උපන්ගෙයිම තම දරුවාගේ ජීවිතය නැති කරන දෙමව්පියන්  නැතුවාම නොවෙයි. අකමැත්තෙන් වුනත් අපි ඒ ගැනත් මතකයේ තබා ගැනීම වැදගත්. සමහර විට උපත ලබන්නත් පෙරාතුව දරු කලලය විනාශ කර ගන්න බැරි වුනොත්…දරුවා බිහි වුනාම ඒ වෙනුවෙන් උත්සාහ ගන්නවා. එහෙමත් නොහැකි වුනාම දරුවා හැර දමා යන දෙමව්පියනුත් ඉනන්වා. ඒ වුනත් දරුවෙක් කියන්නේ ලොකුම වාසනාවක්. දරුවෙක් ලබන්නත් පෙර පිනක් ඕන. එහෙම නම් අපි දරුවෙකුට සලකන්නේ කොහොමද…?

  • කිසිම දවසක දරුවා හැර යන්න එපා…

ඉස්සර කාලයේ අම්මා කෙනෙක් මොන ගැටුම් ආවත් පවුල හැර ගියේ නැහැ. ඒ හැමදෙයකදීම ඔවුන් කිව්වේ දරුවෝ නිසා ඉවසනවා.. නැත්නම් මෙලහකටත් මම මැරුණ තැන ගසුත් පැලවෙලා කියලයි. ඒ නිසා කිසිම දිනක දරුවන් හැර දමා යෑම නම් අම්මෙක් වගේම තාත්තෙක් විදිහට ඔබ නොකල යුත්තක්.

මෑතකදී රෝහල්ගතව සිටි නව යොවුන් දැරියක්….. ඇය දැන් සුවය ලබා සිටිනවා. එහිදී ඇය කිව් සඳහන ඔබ ඇසුවොත් ඔබ බෙහෙවින් සංවේදී වේවි. ඇය යාන්තම් 11 වසරට පැමිනියා පමනි. පියාගේ අනියම් සම්බන්ධතාවය නිසා මව සිය දිවි හානි කර ගත්තා. තාත්තා එතැනින් නැවතනේ නැහැ. ඔහුගේ අනියම් බිරිඳ දැන් කිසිම බාධාවක් නැතුව නිවසට ගෙන්නා ගත්තා. කුඩම්මාගේ කෙනහිලි නිසා මේ දියණිය තරුණයෙක් සමග ප්‍රේම සම්බන්ධතාවයක් ගොඩ නගා ගත් අතර ඒ සිදුවීම මුල් කර ගෙන  පියා විසින් දියණිය නිවසින් පන්නා දැම්මා. ඇය තමාගේ පෙම්වතාගේ නිවසට ගියත් ඔවුන්ද  ඇයට ඒ  තරම් සැලකිල්ලක් දැක්වුයේ නැහැ. කබලෙන් ලිපට වැටුන නිසා ඇය මානසිකව රෝගියෙක් බවට පත් වුණා. කෙසේ හෝ පියා ඇය රෝහලට ඇතුලත් කර තිබෙනවා. ඒ නිසා කිසිම දිනක ඔබට දාව උපන් දරුවන් අතරමං කිරීම නම් මවක්, පියෙක් විසින් නොකලම යුතු බැව් අනිවාර්යෙන්ම සමාජගත විය යුතු තත්වයක්.

  • දරුවා කොතැන හිටියත් සෙනහස දක්වන්න…

සමහර දෙමව්පියන් දරුවන්ට දැනෙන් ආදරය කිරීමක් කරන්නේම නැහැ. දැන් ඉතින් ලොකුයිනේ…යනුවෙන් හිතාගෙන දරුවන්ට සමීප වීමක් ඇත්තේ නැහැ. ඒත් දරුවෝ ආදරයට ආදරය කරන පිරිසක්. දිනපතා ඔබගේ ස්පර්ශය ඔවුන්ට අවශ්‍යයි.  ඒ වගේම ඔබ සහ දරුවාගේ කතා බහ අතරවාරයේදී දරුවාගේ ඇස් දිහා බලාගෙන කතා කිරීම  හෙවත් නිසා දරුවා සහ දෙමව්පියන් අතර සමීපබව ගොඩ නැගෙනවා. ඒ වගේම ඔබ සහ දරුවා අතර සමීපතාවය ඇති වීමත් වැදගත්. උදේ පාන්දර දරුවා අවදි වෙන විට, පාසල ඇරී නිවසට පැමිණි පසුව සහ නින්දට යෑමට පෙරාතුව දරුවා සමග කතා බහ කරමින් ඔහුගේ හිතට ප්‍රබෝධයක්  දැනෙන අන්දමින් කටයුතු කිරීම ඉතාම වැදගත්. දරුවාගේ මානසිකත්වය ශක්තිමත් වීමට මේ අවස්ථාවන් වැඩි බලපෑමක් කරනවා. උදේ බොහොම සතුටින් අවදි වීමට නම් දෙමව්පියන්ගේ ලෙන්ගතු හිත දරුවාගේ හදවත ආමන්ත්‍රනය කළ යුතුයි. පාසල ඇරී නිවසට පැමිණෙන දරුවාගේ විඩාබර හිතට මවගේ ආදරබර වචන මහත් වූ විවේකයක්. ඒ වගේම නින්දට යන විට දරුවා සතුටු හිතින් යහනට ගිය විට ඉතා සුවසේ නිදා ගැනීමට බාධාවක් නොමැති වීම පුදුමයක් නොවේ.

මව්පිය සෙනහස අහිමි වුනොත්…ඒ දරුවන්ගේ හැසිරීම කොහොමද…?

දෙමව්පියන්ගේ ආදරය ලැබෙන දරුවන්ට වෛර කරනවා.මව්පිය සෙනෙහස නොමැති වුන දරුවන්ට යම් අවස්ථාවකදී සමාජයේ සෙසු සම වයස් කණ්ඩායම් සමග කටයුතු කිරීමට සිද්ධ වෙනවා.එවිට ඔවුන්ගේම වයසේ දරුවන්ට දෙමව්පියන්ගේ සෙනහස ලැබෙන අන්දම දකිත්ම මේ දරුවන්ගේ හිත් ආත්මානුකම්පාවෙන් පීඩාවට පත් වෙනවා. අපිට ආදරයක් ලැබෙන්නේ නැතැයි ඇති වෙන පසුතැවීමට වඩා ඔවුන් ආදරය ලබන දරුවන්ට වෛර කිරීමට පටන් ගන්නවා.එය ඉතාම දරුණු අන්දමින් බලපෑමට හැකියි. ඒ නිසා දෙමව්පිය ආදරය අහිමි දරුවන් ඉතාම දරුණු විදිහට හැසිරෙන ආකාරය සුලබ සිදුවීමක් බවට පත් ව ඇති බව සමාජ විද්‍යාඥයින්ගේ අදහසයි.

  • මුරණ්ඩුයි..

මව්පිය සෙනහස නොලද දරුවන් ඉතාම මුරණ්ඩු ලෙසින් කටයුතු කිරීමට පෙළඹ සිටිනවා. ඔවුන්ට ආදරය වැනි සියුම් හැඟීම් තේරුම් ගැනීමට නොහැකියි. ඒ නිසා ඔවුන්ට අවශ්‍ය වන්නේ අනුන්ගේ අවධානය ලබා ගැනීමයි. මේ අවධානය ලබා ගැනීමට ඔවුන් යොමු වෙන්නේ දැඩි සේ මුරන්ඩු ගති පැවැතුම් පෙන්වමින්. එය ඔවුන්ගේ යටපත්ව තිබෙන මානසික කම්පවා ප්‍රසිද්ධියේම ප්‍රදර්ශනය කිරීමක් කිව්වොත් වරදක් නැහැ.

  • අධ්‍යාපනයට අවධානය නැහැ…

මව්පියන්ගේ ආදරය ලබන දරුවන්ට යා යුතු මග නොමග දෙමව්පියන් විසින් ඉතාම හොදින් පහදා දෙනවා. ඉගෙනීමේ අගය මේ දරුවන් දනන්වා. ඒත් සෙනහස නොලබන දරුවන්ට ඔවුන්ගේ අනාගතය ගැන දැනමුතුකම් කියා දීමට කෙනෙක් නැහැ. පාසලට ඇතුලත් කළ  පමණටම දරුවෙක් අධ්‍යාපනයට යොමු වෙන්නේ  නැහැ.එහි වටිනාකම හදවත ස්පර්ශ කරමින් වටහා දෙන කෙනකුත් නැති නිසාම මේ දරුවන් අධ්‍යාපනය වෙනුවෙන් උනන්දුවක් දක්වන්නේම නැහැ.

  • මානසික ගැටලු වැඩියි..

දරුවෙක් වෙනුවෙන් හාරිරික වර්ධනයට ආහාරපාන ලබා දෙන්නා සේම මානසික සංවර්ධනයට ආදරය, ආරක්සාව සහ රැකවරණය අවශ්‍යම වෙනවා. මේ හිතකර පරිසරය නොමැති වුනාම දරුවා මානසිකව හුදෙකලාවට පත් වෙන අතර එහි අතුරු ප්‍රතිඵල විදිහට සාංකාව, බිය, ආවේගශීලිවීම වැනි විවිධ මානසික වෙනස්කම්වලටත් ගොදුරු වෙනවා. ඒ නිසා දරුවෙක් බිහි කළ පමනින් ඔබ මවක සහ පියෙකු බවට පත් වන්නේ නැහැ. ඔබ දරුවා ආදරයෙන් රැක බලා ගන්න. සෙනහසින් ස්පර්ශ කරන්න. ආරක්ෂාවෙන් ඔවුන් ශක්තිමත් කරන්න.

SHARE
හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY