හොඳ පෝෂණයක් ලබා දිය යුත්තේ දුවටද පුතාටද?

mother-feeding-to-kid

“අම්මා, ඇයි මේ මට බිතර භාගයක්… මල්ලිට නම බිත්තරේම දීලා..”

“අනේ දුව ඕක ඒ තරම් දෙයක්ද ? තිබුනු බිත්තර දෙක හැදුවේ, පිරිමි ළමයින්ට හොඳට කන්න ඕනේ නිසා නංගිටයි ඔයාටයි භාගේ භාගේ දීලා, මල්ලිට එකක් දුන්න”

මේ ඉස්සර කාලේ ගෙවල්වල පැවතුනු තත්වයක්. අද වෙනකොට මේ තත්ත්වේ හාත්පසින්ම වෙනස් වෙලා. ඒත් ගැහැනු දරුවන්ට වඩා වැඩි පෝෂණයක් පිරිමි දරුවන්ට අවශ්‍යයි කියලා හිතන අය අදටත් අප සමාජයේ ඉන්නවා.

ගැහැනු පිරිමි භේදයකින් තොරව දරුවන්ට මනා පෝෂණයක් ලබා දීම බොහොම වැදගත් කරුණක්. නිසි පෝෂණයක් නොමැති උනොත් දරුවෙකුගේ ශාරීරික මෙන්ම මානසික සංවර්ධනය අඩාල වෙන බව ඔය දන්නා කරුණක්. දරුවන්ට නිසි පෝෂණයක් ලබා දීම යන්නෙහි අදහස වන්නේ පෝෂණීය බවින් අනුන අහාර ලබාදීමයි.  ඒ වෙනුවෙන් විශාල මුදලක් වැය වනු ඇතැයි බොහෝ මව්වරුන් සිතුවද නිසි පෝෂණය සහිත ආහාර වේලක් අඩු මුදලකින් සකසා ගත හැකිය. ඔබ විශාල මුදලක් වැය කොට මිලදී ගන්නා ක්‍ෂණික ආහාරවලින් දරුවන්ට සිදුවන යහපතක් නැත.

ඔබේ දරුවාට

  • අනිවාර්යෙන්ම උදේ ආහාර වේල ලබා දෙන්න
  • ලුණු, සීනි අධික ක්‍ෂණික ආහාරවලින් දරුවා ඈත් කරන්න
  • ක්‍රියාශීලිවදවස ගෙවන්නට අවස්ථාව ලබා දෙන්න
  • උණු කර නිවා ගත් පිරිසිදු ජලය දවසකට අවශ්‍ය ප්‍රමාණය ලබා ගැනීමට හුරු කරන්න

පොදුවේ සැම දරුවෙක්ම නිසි පෝෂණයක් ලබා ගත යුතු වුවද නිසි පෝෂණයක් නොලැබූ ගැහැනු දරුවෙකු සංකුලතා රැසකට භාජනය වීමේ අවධානමක් පවතී. මතු දිනෙක මවක වන නව යොවුන් ගැහැනු දරුවාට නිසි පෝෂණයක් නොමැති කමින් ඇඇත. එය දාමයක් ලෙස උපදින දරුවාට බලපෑම් ඇති කරවන අතරම සමාජයටද බලපාන හේතුවක් වනු ඇත.

වැඩිවිය පැමිණි ගැහැනු දරුවෙක් මසකට වරක් ඔසප් චක්‍රය ක්‍රියාත්මක වන නිසා වැඩි වශයෙන් යකඩ,ප්‍රෝටීන සිරුරට අවශ්‍ය වේ.  අතීතයේදී මේ හා සම්බන්ධ බොහොමයක් මිත්‍යා මත පැවතුනද මස්, මාළු, බිත්තර මේ කාලයේදී ගැහැනු දරුවාට ලබාදීම අත්‍යවශ්‍යය. මේ ආකාර වූ නිසි පෝෂණය නොලැබී යාම නිසා මතු දිනක මව්පදවිය ලබන ගැහැනු දරුවන්ට පහත දක්වා ඇති සංකුලතා තත්ත්වයන්ට මුහුණ දීමට සිදුවිය හැකිය.

  • දරු පිළිසිඳ ගැනීම් ප්‍රමාද වීම
  • ගබ්සා සිදු වීම
  • අඩු බරදරුවන් බිහිවීම
  • බිහිකළ දරුවන් රෝගී දරුවන් වීම
ඔබේ දියණිය මතු දිනෙක නිරෝගී මවක ලෙස දරුවන් බිහිකිරීමට නම් ඇයට,
  • නිසි අධ්‍යාපනය ලබා දෙන්න
  • සමීපව හිඳ නිසි මග පෙන්වන්න
  • හොඳ නරක අවබෝධ කරදෙන්න
  • සමාජය පිළිබඳව දැනුවත් බව ලබාදෙන්න
  • පෝෂණය ගැන දැනුවත් බව ලබා දෙන්න
  • නිසි වයසට එළබි පසු විවාහ කරදෙන්න. (ගැහැනු දරුවෙකු මව්පදවිය ලැබීමට සුදුසු වයස අවුරුදු 20 – 25ත් අතර කාලයයි.)
  • නිසි කලට රුබෙල්ලා එන්නත ලබා දෙන්න
  • ක්‍රියාශීලිව කාලය ගතකරන්න උපදෙස් ලබා දෙන්න
  • ලිංගික අධ්‍යාපනය ලබා දෙන්න

ඔබට මේ ලිපිය උපකාරී  වුනා නේද? ඔබව දැනුවත් කල මේ ලිපිය තවත් පිරිසකගේ දැනුවත් බවට අවැසි නිසාම දැන්ම Share කර ඔබේ යුතුකම ඉටු කරන්න. ස්තුතියි !

SHARE
අධ්‍යාපනික අතින් කොයිතරම් උසස් මට්ටමක හිටියත් අම්මෙක් වුණාම ඇති වන ගැටලූවලට අපි ළඟ පිළිතුරු නෑ. මව්පදවියත් එක්ක දහසකුත් එකක් ප්‍රශ්න මටත් ඇති වුණා. ඔය අතරෙදියි මව්වරුන් වෙනුවෙන්ම වෙන්වුණු පුවත්පතක සංස්කාරකවරිය විදියට සේවය කරන්න මට අවස්ථාව ලැබුණේ. අම්මා කෙනෙක් විදියට මට ඇති වෙන ගැටලූ අධ්‍යාපනය අතින්, මිල මුදල් අතින් ඉහළ, පහළ ඕනෑම තරාතිරමක හැම අම්මා කෙනෙක්ටම පොදුයි කියලා ඔය අතරෙදි මම තේරුම් ගත්තා. මගේ අත්දැකීම්, දරුවන් ගැන මට තියෙන ගැටලූ ගැන වෘත්තීමය සුදුසුකම් සහිත පුද්ගලයන් එක්ක සාකච්ඡ කරලා, සටහන් කරන්න මම හිතුවේ දහස් ගණනක් මව්වරුන්ට නිවැරදිම මගපෙන්වීම අවශ්‍ය බව දැණුනු නිසා.

LEAVE A REPLY