පවුලේ කෑම මේසයට පුංචි පැටියා මේ විදියට හුරු කරමු

having_lunch_with_child

කෑම මේසය කියන්නේ ගෙදර හැමෝම එකට එක් වෙන එක තැනක්. දවසේ වැඩ කටයුතු, හෙට දිනය ගැන වගේම අද සිදු උණු හැමදේමත් මෙතැනදී කතා බහට ලක් වෙනවා. ඉතින් දවසින් දවස වැඩෙන ඔබේ දරුවටත් මේ අත්දැකීම ලබාදීම බොහොම වැදගත්.  මතක තියාගන්න, ආහාරවල වර්ණය, හැඩය වගේම වටපිටාව දරුවන්ගේ සිත්ගන්න අයුරින් සකසුනොත් කෑම මේසයේ ඉඳ ආහාර ලබා ගැනීම දරුවන්ට විනෝදජනක අත්දැකීමක් වනු නොඅනුමානයි.

මෙන්න මේ කරුණුවලට ඔබේ අවධානය යොමු කරන්න

  • දරුවාගේ පළමු වසර සම්පුර්ණ වීමත් සමගම පවුලේ ආහාර සමග හුරු කරන්න.
  • රුපවාහිනිය බලමින් ආහාර ගැනීමෙන් මිදෙන්න.
  • දරුවා පවුලේ කතා බහට සම්බන්ධ කරගන්න
  • ආහාරවල ගුණ අගුණ කියා දෙන්න.
  • ඔබේ ආහාර වට්ටෝරුව සකස් කිරීමේදී දරුවාගේ රුචිකත්වයට මුල් තන දෙන්න.
  • කෑම මේසය පිළිබඳවද වැඩි අවධානයක් යොමු කර දරුවාගේ සිත් ඇදගන්න ආකාරයට ඔබේ නිර්මාණශිලිත්වය එක්කරන්න.
මෙන්න මේ දේවලුත් අම්මලා හිතට ගන්න

  • දරුවට තනියම ආහාර ගන්න පුරුදු කරන්න.
  • ආහාර ගැනීමට පෙර අත සේදිය යුතු බව දවසින් දවස වටහා දෙන්න.
  • දරුවාගේ පිගානට ඔහුට/ඇයට ප්‍රිය උපදවන ලෙසින් අහාර කුඩා ප්‍රමාණයක් දමන්න.
  • දරුවාගේ ආහාර කන්න වගේම ගිලින්නත් පහසු වෙන විදියට කුඩා කැබලි ආකාරයට සකසන්න.
  • ආහාර ගන්නා අතරතුරේදී වතුර බිබී කෑම කන එක පුරුද්දක් කරගන්න ඉඩ දෙන්න එපා. ආහාර ගැනීමෙන් පසුව වතුර බොන්න දෙන්න.
  • දරුවාට හැන්ද හැසිරවීමට ටිකෙන් ටික පුහුණු කරන්න.
  • ඉතා කුඩා, තද බවින් යුතු ටොෆි වැනි දේ අතුරුපස ලෙස නොදී සැමවිටම ගුණදායක පලතුරකට දරුවා හුරු කරන්න.
දරුවන්ට අහාර ගැනීම හුරු කිරීමේදී

  • ඒ සඳහා එකම වේලාවක් වෙන්කරන්න.
  • දරුවාටම ගැලපෙන උස පුටුවක් ඔබේ කෑම මේසයට ලංකර ඒ ස්ථානය දරුවට හුරු කරන්න.
  • ආහාර මුවේ පුරවා කතා කිරීම නුසුදුසු බව ආරම්භයේ සිටම දරුවාට කියා දෙන්න.
  • පිගානේ ආහාර ඉතුරු කිරීම නුසුදුසු බව ටිකෙන් ටික කියා දෙන්න.
  • දරුවා සතුටින් ආහාර ගෙන නිම වූ පසු සැවොම එක්ව දරුවා අගයන්න.

ඔබට මේ ලිපිය උපකාරී  වුනා නේද? ඔබව දැනුවත් කල මේ ලිපිය තවත් පිරිසකගේ දැනුවත් බවට අවැසි නිසාම දැන්ම Share කර ඔබේ යුතුකම ඉටු කරන්න. ස්තුතියි !

SHARE
අධ්‍යාපනික අතින් කොයිතරම් උසස් මට්ටමක හිටියත් අම්මෙක් වුණාම ඇති වන ගැටලූවලට අපි ළඟ පිළිතුරු නෑ. මව්පදවියත් එක්ක දහසකුත් එකක් ප්‍රශ්න මටත් ඇති වුණා. ඔය අතරෙදියි මව්වරුන් වෙනුවෙන්ම වෙන්වුණු පුවත්පතක සංස්කාරකවරිය විදියට සේවය කරන්න මට අවස්ථාව ලැබුණේ. අම්මා කෙනෙක් විදියට මට ඇති වෙන ගැටලූ අධ්‍යාපනය අතින්, මිල මුදල් අතින් ඉහළ, පහළ ඕනෑම තරාතිරමක හැම අම්මා කෙනෙක්ටම පොදුයි කියලා ඔය අතරෙදි මම තේරුම් ගත්තා. මගේ අත්දැකීම්, දරුවන් ගැන මට තියෙන ගැටලූ ගැන වෘත්තීමය සුදුසුකම් සහිත පුද්ගලයන් එක්ක සාකච්ඡ කරලා, සටහන් කරන්න මම හිතුවේ දහස් ගණනක් මව්වරුන්ට නිවැරදිම මගපෙන්වීම අවශ්‍ය බව දැණුනු නිසා.

LEAVE A REPLY