උදේ ආහාර වේල දරුවන්ගේ නිසි වර්ධනයට මේ තරම්ම වැදගත් බව ඔබ දැන සිටියාද?

child_having_breakfast_caregrow

දරුවෙකුගේ පෝෂණය ඇරඹෙන්නේ මව්කුස පිළිසිඳි මොහොත් සිටයි. මව්කුස තුළදී මවගෙන් තම පෝෂණ අවශ්‍යතා සපුරා ගන්නා ළදරුවා මෙලොවට බිහිවීමත් සමගම මාස හයක් සම්පූර්ණ වන තෙක් මව්කිරෙන් පමණක් පෝෂණය වේ. නිසි පෝෂණයක් නොලැබී යාම දරුවෙකුගේ ශාරීරික මෙන්ම මානසික වර්ධනයට ද බාධාවක් බව හෙලිවී ඇත. අන්න ඒ නිසාම අද වන විට දරුවන්ගේ ආහාර පිළිබඳව මව්වරුන්ගේ අවධානය සිය දහස් ගුණයකින් ඉහළ ගියද දරුවන් සිය ආහාර වේල ප‍්‍රතික්ෂේප කිරීම මව්පියන්ට ඇති එකම සහ ප‍්‍රධානතම ගැටලූවක් බවට පත්ව ඇත.

කෙසේ වුවද දරුවාගෙන් දරුවාට ලබාගන්නා ආහාර වර්ග මෙන්ම ආහාර ප‍්‍රමාණවලද වෙනස්කම් පවතී. ඇතැම් දරුවන් තරයේ ප‍්‍රතික්ෂේප කරනු ලබන ආහාර වර්ග ඇතැම් දරුවන් ඉතා ආසාවෙන් ලබාගන්නා ආකාරය අප දැක ඇත. මේ තත්ත්වය මෙසේ වුවද දරුවෙකුට නිසි පෝෂණය ලබාදීමේ වගකීම පැවරෙන්නේ මව්පියන් වන ඔබටයි. දරුවෙකුගේ වර්ධනයට අවශ්‍ය නිසි පෝෂණය මෙන්ම ශක්ති ප‍්‍රමාණයක් ලැබෙනවාද යන්න පිළිබඳව මව්පියන්ගේ අවධානය උපරිමයෙන් යොමු විය යුතුය. එසේම උස සහ බර මැනීම නොකඩවා සිදු කරමින් එය නියමිත මට්ටමේ පවතිනවාද යන්න තහවුරු කරගැනීමද ඉතා වැදගත් වේ.

සාමාන්‍යයෙන් වයස අවුරුදු 1 – 3 දක්වා දරුවන්ගේ ආහාර ප‍්‍රතික්ෂේප කිරීම සම්බන්ධව මව්වරුන් නිතර මැසිවිලි නගනු ඇත. මේ වයස් සීමාවේ පසුවන බොහෝ දරුවන්ගේ මව්පියන් මේ තත්ත්වය හේතුවෙන් පීඩාවට පත්ව සිටි. කොයි ආකාරයෙන් ආහාර සකස් කළද දරුවන් එය ප‍්‍රතික්ෂේප කරයි නම් සැබවින්ම එය කණගාටුවට කරුණකි. මන්ද දරුවාගේ සෞඛ්‍ය සම්පන්න බව සංවර්ධනය කිරීමේ වගකීම මව්පියන්ගේ බැවිනි. එසේම නිිසි පෝෂණය මනා ප‍්‍රතිශක්තිකරණ හැකියාවකට අත්‍යවශ්‍ය සාධකයක් වනු නියතය.

දරුවන්ගේ ආහාර පිළිබඳව කතාකිරීමේදී වැදගත්ම කරුණක් වන්නේ උදේ ආහාර වේලයි. ඇතැම් දරුවන් උදේ කිරි බෝතලය බිව් පසු නැවත ආහාර ලබාගන්නට සූදානම් බව පෙන්වන්නේ දහවල් ආහාර වේලයි. නමුත් මව්වරුන් සිත තබාගත යුතු වැදගත්ම කරුණක් වන්නේ දරුවන් අනිවාර්යෙන්ම උදේ ආහාර වේල සඳහා හුරුකළ යුතු බවයි. මන්ද උදේ ආහාර වේල මගහැරීම බොහොමයක් බෝ නොවන රෝග තත්ත්වයන් ඇති වීමටද හේතු විය හැකි බව සමීක්‍ෂණ මගින් අද වන විට පෙන්වා දී ඇති බැවිනි. ඒ නිසාම කුඩා අවධියේ සිටම දරුවන්ට උදේ ආහාර වේල සඳහා නියමිත වේලාවක් හුරු කිරීම ඉතාම වැදගත් වේ.

වයස අවුරුදු 1 සිට 3 දක්වා දරුවන්ට උදේ ආහාරය වශයෙන් ධාන්‍ය වර්ග ලබාදිය හැකි නම් එමගින් දරුවාට ඉහළ පෝෂණයක් හිමි වන බව කිව යුතුමය. සෑම පෝෂකාංගයකින්ම අනූන ධාන්‍ය වර්ග දරුවන්ට දෛනික අවශ්‍ය වන ශක්ති ප‍්‍රමාණය සැපයීම සඳහා විශාල රුකුලක් වනු ඇත. එසේම ධාන්‍යවල කෙඳි සහ තන්තු අන්තර්ගත නිසාම මලබද්ධය වැනි තත්ත්වයන් ඇති වීමද වළකයි.

වයස අවුරුදු 1 – 3 දක්වා වයස් සීමාවන්වල දරුවන්ගේ වර්ධනය ඉතා ශීග‍්‍රයෙන් සිදුවන අතරම මව්වරුන් ඒ පිළිබඳව පූර්ණ අවධානය යොමු කිරීම ඉතා වැදගත් වේ. තවද මනා පෝෂණයක් දරුවෙකුහට යම් හෙයකින් අහිමි වෙයිද ඒ දරුවා ලෙඩ රෝගවලට ගොදුරු විමේ ප‍්‍රවණතාවයද ඉහළය. මන්ද නිසි පෝෂණය නොලැබී යාම හේතුවෙන් ප‍්‍රතිශක්තිකරණ හැකියාවද පහළ බසින බැවිනි. තවද නිසි පෝෂණය මගින් දරුවෙකුගේ බුද්ධි වර්ධනයට ද විශාල පිටුවහලක් ලබාදෙයි. උදේ ආහාර වේල ලෙස ධාන්‍ය හෝ ධාන්‍ය සහිත සීරියල් දරුවාට ලබාදීමේදී එය පරිපූර්ණ ආහාර වේලක් ලෙස ලබාදිය හැකි නිසා දරුවාට අවැසි පෝෂණය උපරිමයෙන් ලැබෙනවාට කිසිදු සැකයක් නැත.

ඔබේ දරුවාට ඇවැසි නිසි පෝෂණය ලබාදීම එතරම් අපහසු කටයුත්තක් නොවේ. මෙහිදී වැදගත්ම කරුණ වන්නේ සැමවිටම නිවැරදි දේ තෝරාගැනීම ඔබ දැනුවත් වීමයි. එනම් දරුවාට ලබාදෙන ආහාරවල පෝෂණය පිළිබඳ ඔබ තුළ තිබිය යුතු දැනුවත් බව සහ විශ්වාසයයි.

මෙය Ceregrow අනුග්‍රාහකත්වයෙන් පලකරන ලද ලිපියකි.

ඔබට මේ ලිපිය උපකාරී  වුනා නේද? ඔබව දැනුවත් කල මේ ලිපිය තවත් පිරිසකගේ දැනුවත් බවට අවැසි නිසාම දැන්ම Share කර ඔබේ යුතුකම ඉටු කරන්න. ස්තුතියි !

SHARE

අප වෙබ් අඩවියට වරින් වර ලිපි සපයන බාහිර ලියුම්කරුවන්ගේ ලිපි සියල්ල මෙම පොදු profile එක හරහා පල කෙරෙනු ඇත.

LEAVE A REPLY