ජෝර්ජ් ඇලෙක්සැන්ඩර් ලුවිස් නම් ඔහු සුවිශේෂී ඇයි ?

prince_gorge

දරුවන් කී විට ලෝකයේ හැම දරුවෙක්ම එක සේම වටිනාකමක් ඇති වස්තුවක් කීම සාධාරණය. සෑම අම්මා කෙනෙකුටම තමන්ගේ දරුවා සුවිහේෂී වස්තුවක්. අපේ ජනවහරට අනුව වුනත් කියැවෙන්නේ “උනහපුලුවාට උගේ දරුවා මැනිකක්” බවයි. ඒත් ජෝර්ජ් ඇලෙක්සැන්ඩර් ලුවිස් නම් ඔහු ලෝකයේ අනිකුත් දරුවන්ට සාපේක්ෂව සුවිශේෂී වීමට කරුණු කීපයක් තිබෙනවා.  පසුගිය ජූලි මස 22 වැනි දින සිය  ජීවිතයේ හතරවැනි වසරට සම්පූර්ණ වුන ඔහු සුවිශේෂී වෙන්නේ ඇයි…?

ඔහු බ්‍රිතාන්‍ය කිරුලේ හතරවැනි උරුමක්කාරයාය

2013 වසරේ ජූලි මාසයේ 22 වැනි දින එංගලන්තයේ කේට් මිඩ්ල්ටන් විසින් ලොවට දායාද කළ මෙම පුත් කුමරු නමින් “ජෝර්ජ් ඇලෙක්සැන්ඩර් ලුවිස් ” නම් වේ. ඔහු උපත ලබන විට බ්‍රිතාන්‍ය ජාතිකයන් බිලිඳු කුමරා පිලිගත්තේ ආචාර වෙඩි මුර 21 ක් පවත්වමින්ය. ඔහු අනාගත රජ පුරුකේ තවත් හිමිකරුවෙකි.

දෙවැනි එලිසබෙත් රැජිනගේ මීමුණුපුරාය 

දැනට 91 වැනි වයසේ පසුවෙන එංගලන්තයේ මහරැජින වූ දෙවැනි එලිසබෙත් රැජිනගේ මීමුණුපුරාවන්නේ මෙම ජෝර්ජ් කුමරුවන්ය.රැජින ඔහු ආමන්ත්‍රනය කරන්නේ ගැන්-ගැන් යන සුරතල් නාමයෙන්ය. බකින්හැම් මාලිගාවට පැමිනෙන හැම මොහොතකම තම මීමුණුපුරා වෙනුවෙන් තෑග්ගක් අත තැබීමට මහ රැජින අමතක නොකරයි.

ඔහු ජීවත් වන්නේ 18 වන සියවසට අයත් ගොඩනැගිල්ලකය

ජොර්ජ් කුමරුට දෙවැනි එලිසබෙත් රැජින නිවසන බකිංහැම් මාලිගාවේ  කල් ගෙවීමට හැකි වුනත් දැන් ඔවුන් ජිවත්වන්නේ  18 වන සියවසට අයත් ගොඩනැගිල්ලකය. පියා වූ විලියම් කුමරුද , මව කේට් මිඩිල්ටන් සහ නැගණිය චාර්ලට් කුමරිය සමග ඔවුන් මේ නිවසේ කාලය ගෙවති. මෙම මන්දිරය විලියම් සහ කේට් විවාහ මංගල්‍යයේදී තිලිනයක් ලෙසින් මහරැජින විසින් තම මුණුපුරාට ලබා දුන් මන්දිරයකි.

ඔහුගේ උපන්දිනයට නිවසක් තෑගි

සාමාන්‍යයෙන් දරුවන්ගේ උපන්දිනය වෙනුවෙන් තෑගි ලෙස ලැබෙන්නේ සෙල්ලම් බඩු හෝ වෙනත් ළමා ලෝකයට ගැලපෙන ත්‍යාගයන් වේ. එහෙත් ජෝර්ජ් කුමරාගේ උපන්දිනය වෙනුවෙන්  2015 වසරේ සිය දෙවැනි උපන්දිනයට පියා වූ විලියම් කුමරු විසින් පවුම් දහඅට දහසක් වටිනා නිවසක් තෑග්ගක් සේ ප්‍රදානය කරන ලදී. වික්ටෝරියානු යුගයට අයත් මෙම මන්දිරය කෙලවර චාල්ස් කමරු හෙවත් ඔහුගේ සීයාගේ මල් සහිත තැනිතලාව  පිහිටා ඇත.

ඔහු තොරතුරු පනතින් නිදහස්ය

ජෝර්ජ් කුමරු දැනටමත් තොරතුරු පනතින් නිදහස්ය. බ්‍රිතාන්‍ය ජාතිකයන් රජ පවුල වෙනුවෙන් දක්වන ගරුත්වය නිසාම ඔවුන්ගේ තොරතුරු පිලිබඳව ප්‍රශ්න කිරීමක් හෝ විවේචනයක් නොමැති වුනත් අනාගතයේදී මෙම තත්වය වෙනස් වීමේ අවදානමක් ඇති වීම වලක්වා ලනු වස් ටෝනි බ්ලෙයාර් අගමැති විසින් බ්‍රිතාන්‍ය රජපවුල තොරතුරු පනතින් නිදහස් කරන ලදී.

ජෝර්ජ් කුමරුගේ රුව සටහන් සංකේත ඇත

ජෝර්ජ් කුමරුගේ රුව ඇතුලත් කරමින්  මුද්දර සහ කාසි නිකුත් කර ඇත. ඒ අතරින් ඔහු ජන්මය ලද 2013 වසරේ ජූලි 22 වැනි දින පවුම් පහක සමරු කාසියක් නිකුත් කරන ලදී. 2016 වසරේ අප්‍රේල්  මාසයේදී මෙම ළදරු කුමරාගේ රුව ඇතුලත් තැපැල් මුද්දරයක් නිකුත් කරන ලදී.

ඔබට මේ ලිපිය උපකාරී  වුනා නේද? ඔබව දැනුවත් කල මේ ලිපිය තවත් පිරිසකගේ දැනුවත් බවට අවැසි නිසාම දැන්ම Share කර ඔබේ යුතුකම ඉටු කරන්න. ස්තුතියි !

SHARE

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY