පොලිතීන් බෑග්, ලන්ච්ෂීට් තහනම්! දැන් ඉතින් අම්මලා මොකද කරන්නේ?

හෙට අනිද්දාට පාසල පටන් ගන්නවා. ඒ වගේම ලන්ච්ෂීට් වල එතුම් ආයේ බැහැ…දැන් ඉතින් අම්මලා මොකද කරන්නේ..ඉස්සර නම් කෙසෙල් කොලයේ, පුවක් කොලයේ වගේම නෙලුම් කොලයෙත් ආහාර දවටා ගත්තා. විහාරමහ දේවියට ගැමුණු කුමාරයා ලැබෙන්න සිටිද්දී ඇති වුනේ නෙලුම් කොලයෙන් බත් කෑමේ දොල දුකක්.වීර පුත්‍රරත්නයක් බිහිවෙන ලකුණු මේ දොල දුක සමගම නිමිති කරුවන් දැනුම් දුන්නා.

කැන්ද කොලයෙත් ආහාර දවටා ගැනීමට පුලුවන්. අපි මෙතෙක් කැන්ද කොලය යොදා ගත්තේ හැලප පිලියෙල කරන්න පමණයි. ඒත් ඔබ මහනුවර ප්‍රදේශයේ කෘෂිකර්ම දෙපාර්තමේන්තුම මගින් පාලනය වෙන ” සැබෑ ශ්‍රී ලාංකේය රසය ” තේමාව කර ගත් ආපනශාලාවන් වෙත පැමිණියහොත් ඔවුන්ගේ දැවටුම් අතරට කැන්ද කොලයත් එක්ව තිබෙන අපුරුව දැක බලා ගන්න පුලුවන්.

අපිටත් දැන් විකල්ප දැවටුම් සොයා ගැනීමට කාලය ඇවිත්. පමා වී හෝ විය යුතු දෙය දැන්වත් සිද්ධ වීමත් සතුටක්. මුලින් මෙහි අපහසුබවක් දැනුනත් පුරුද්ද සමග ඒ සියල්ලම මග හැරෙන්නනට ඉඩ තිබෙනවා. හැම දෙනාමට ගෙවත්තක් නැති බවත්, කොසෙල්කොල නැති බවත් ඇත්ත. ඒත් වත්ත පිටියේ කෙසෙල්ගස් තිබියදිත් තමන්ගේ පහසුවට ලන්චිෂීට් මතම යැපෙන අයත් නැතුවාම නොවේ.කෙසෙල් කොලයේ බත් එතූ විට දැනෙන්නේ අමුතුම සුවඳක්. එයින් නොදැනීම ආහාරය වෙනුවෙන් රුචිය ඇති වෙනවා.

ඒ විතරක් නොවෙයි, දන්නෝ දනිති කියන්නා වගේ කොළ පාට පැහැයේ ස්වභාවයෙන්ම අන්තර්ගත කොළ වර්ණය හෙවත් ක්ලෝරෆීල් අපේ සිරුරට ඉතාම ගුණයි. ලන්ච් ෂීට් එකට උණුවෙන් ආහාර දැමූ විට ඇති වෙන්නේ අහිතකර තත්වයක් වුනත් කෙසෙල්කොළයට උණු ආහාර දැමූවිට කිසිම අහිතකර බවක් ඇති වෙන්නේ නැහැ. කෙසෙල් කොලය අමුවෙන් නම්‍යශීලී නැහැ. ඒ නිසා අපි මේ කොළය තවාගෙන පාවිච්චියට ගැනීමේදී එහි තිබෙන පෝෂණ පදාර්ථයන් සිරුරට අවශෝෂනය පහසු වෙනවා.අද බොහොම දෙනෙක් මැසවිලි නගන බඩවැලේ තත්වය සුවකර ගැනීමට මෙහි අඩංගු ක්ලෝරෆීල් ඉතාම ගුණදායකයි.

උණ හෙම්බිරිස්සාව තරමටම පිලිකා රෝගය සුලබ වුනාම හැම දනාම ඒ ගැන නිදාන කතාව හොයන්න පටන් ගත්තා. එතකොට තමයි බොහොම දෙනාට ඇස් ඇරුනේ. මුලින් ගුණ ගී ගායනා කරනු ලැබූ ප්ලාස්ටික් සහ පොලිතින් මේ රෝගයේ ප්‍රධාන වරදකරුවා බවට පත්ව සිටියා. ඒ වෙනුවට දැන් කෙසෙල්කොලයේ ආනුභාව ගැන කතා කරන්න පටන්ගෙන තිබෙන්නේ හේතු සාධක ඇතුවයි.කෙසෙල්කොලයේ අන්තර්ගත ” එපිටැලොකාටෙචින් ගැලේට් ” සංයෝගය පිලිකාවෙන් ආරක්ෂාවට අවශ්‍ය ශක්තිය ලබා දෙනවා. ඒත් එක්කම අද දරුණු විදිහට සමාජගතව තිබෙන වකුගඩු රෝගයටත් කෙසෙල්කොලයේ එතූ ආහාර ගුණදායකයි. හදවත් රෝග වෙනුවෙනුත් නොවෙනස්ව මේ ගුණය ලැබෙනවා. ඒ අතරම මානසික සහනශීලිබව ඇති වීමටත් ස්වභාවිකවම කෙසෙල් කොලයෙන් ලැබෙන ගුණ බොහොමයි.

ප්ලාස්ටික් පොලිතින් නොදිරන නිසා ඇති වුන සමාජ ප්‍රශ්න නිසා ‍ඩෙංගු රෝගයෙන් අපේ රටේ ජීවිත සිය ගණනක් අපට අහිමි වුනා. කෙසෙල් කොලය දිරාපත් වෙන නිසා මේ චෝදනාවන් නැහැ. කුණු කදුවල බහුලව තිබෙන්නේ නොදරන ද්‍රව්‍ය වීමත් බොහොමයක් සමාජ ගැටලුවලට හේතු වුනාදවසකට බැහැර කරන පොලිතින් ප්‍රමාණය මිලියන දෙකකට අධිකයි. ඉදිරියට මේ අන්දමින් දිරාපත් වෙන කෙසෙල් කොලයක් මුදලට ගැනීමේ හැකියාව අපට ලැබෙයි. ඒ ගැන දැනටමත් අත්හදා බැලීම් සිදු වෙනවා.

ඉදිරියේදී අපට දැවටුම් වගේම පාරිභෝගික ද්‍රව්‍ය එහා මෙහා ගෙනියන්න මලු ගොඩක් ලැබෙන්නේ නැහැ. ඉස්සර වගේ පන් හෝ රෙදි මල්ලක් අරගෙන යෑම අනිවාර්යෙන්ම විය යුතුයි. පන් හොයා ගන්න නැහැ කියමුකෝ…ඒත් රෙදි මල්ලක් පිලියෙල කර ගැනීම එතරම් අපහසුවක් නැහැ. පැච් වර්ක් ක්‍රමයට ලස්සන මල්ලක් නිර්මානය කර ගැනීම අපහසු නැහැ.

රෙදි මල්ලක වාසි

  • ශක්තිය තිබෙනවා.
  • බඩු බරක් දැරීමට හැකියාව
  • පිරිසිදු කර ගැනීමේ හැකියාව
  • අනවශ්‍ය ලෙසින් නිවසට කසල එක් නොවීම
  • පරිසරය පිරිසිදුයි.
  • මල්ල පිරිසිදු කර ගැනීමට ඇති හැකියාව නිසා නැවත නැවත භාවිතය
  • මැහුම් දන්නා අයට අලුත් ව්‍යාපාරික අවස්තාවකුත් ඇති වෙනවා.

රෙදි මල්ලකින් ඔබට තිබෙන අපහසුවක් ඇත්නම් ඒ දිනපතාම මෙය රැගෙන යෑම සහ අමතක වීම පමනයි. ඒ හැර ඇති අනෙක් සියලුම හේතු ඔබට පහසුකමක් මිස අපහසුවක් නොවෙයි.

එකපාරටම කෙසෙල්කොළ අපට කෝ….

ප්‍රායෝගිකව මෙය බොහෝ දෙනෙකුට සාධාරණයි. ඒ නිසා දරුවන්ට පාසලේ ආහාරපාන ගෙනියන්න විකල්ප දැන් අවශ්‍යයි. පාන්, බිස්කට් වැනි දේ මුද්‍රිත අකුරු නැති සුදු කොලයක දවටන්න පුලුවන්. බත් වෙනුවෙන් අනුමත ප්ලාස්ටික් හෝ උණුහුම රඳවා ගත හැකි නැවත නැවත පාවිච්චි කළ හැකි භාජන වෙත යොමු වීමට පුලුවන්.

දැන් අපි ප්ලාස්ටික් , පොලිතින් වෙතින් මිදෙන්නට අවශ්‍ය බව හොදාකාරව හදුනා ගත්තා. ගිනිපෙලෙලෙන් බැට කෑ අපි දැන් කනාමැදිරියාටත් බිය විය යුතුයි. ස්වභාවික හා කාබනික දැවටුම් අපිට අමුත්තක් නොවේ. අදින් දශක තුනකට පෙරාතුව සියළු දැවටුම් ඇසුරුම් ඉතා අපුරු ලෙසින් කාබනිකව සිද්ධ වුන රටක අපි ජීවත් වූයෙමු. නොරටින් එන දෙයට ඇති ආකර්ශනය නිසා අපේ වල අපිම කපා ගත්තෙමු. එහෙත් ආදීනව හොදාකාර වින්ද නිසා දැන් කතා දෙකක් නැත. අනවශ්‍ය විදිහට හිතට බරක් ගත යුතු නැත. ඔබටම මල්ලක් සකසා ගන්න. දරුවන් වෙනුවෙන් ආහාර ඇසුරුම් පෙට්ටියක් පිලියෙල කර ගන්න. ඔබ නොදැනම ජාතික ගැටලුවක් විසඳන දායකත්වය ඔබ අනාගත ලෝකය වෙනුවෙන් ලබා දුන් විශිෂ්ටයෙක් වෙනු ඇත.

ඔබට මේ ලිපිය උපකාරී  වුනා නේද? ඔබව දැනුවත් කල මේ ලිපිය තවත් පිරිසකගේ දැනුවත් බවට අවැසි නිසාම දැන්ම Share කර ඔබේ යුතුකම ඉටු කරන්න. ස්තුතියි !

SHARE
හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY