ගෙදර තීන්ත ආලේප කරද්දී මෙන්න මේ කරුණු ගැන නොහිතුවොත් ඔබත් කරදරේ වැටෙයි

house_painting

තමන් නිවසන ගෙදර දොර ඉතාම අලංකාර විදිහට ප්‍රියමනාපව තබා ගැනීමට අපි කවුරුත් කැමැතියි. ඉස්සරට වඩා දැන් ගෙදර දොර හැඩකරන තීන්ත ආලේපන බහුල නිසා පාරිභෝගිකයන් විදිහට අපි කුමක් තෝරා ගන්නවාද යන ගැටලුවට මැදි වෙනවා. මෙහිදී අපි ඇසට ප්‍රියතාවයක් ඇති කරන වර්ණ ගැන මිස ඒවායේ සංයුතිය පිලිබඳව ඇත්තටම උනන්දුවක් දක්වන්නේ නැහැ. ඒ වෙනුවෙනුත් බලපාන හේතු තිබෙනවා. අපි කිසිම දිනක හිතන්නේ නැහැ මේ බිත්ති ආලේප කරන තීන්ත නිසා දරුවන් ලෙඩ දුකට නිරාවරනය වෙතැයි කියලා. ඒ නිසා වෙළදපොලේ සහ ප්‍රචාරණයන් මගින් ඔසවා තබන නිෂ්පාදන වෙනුවෙන් අපි නොදැනම ආකර්ශනයක් දක්වනවා.ඒ වුනත් ඔබ මින් ඉදිරියට තීන්ත තෝරා ගැනීමේදී මේ ගැනත් සැලකිල්ලක් දක්වන්න අවශ්‍යයි.

එහෙමනම් ඔබ තීන්ත තෝරා ගැනීමේදී සැලකිලිමත් විය යුතු කරුණු මොනවාද ?

අපේ නිවෙස්වල බිත්ති ආලේපන වෙනුවෙන් එනමල් සහ එමන්ෂන් යනුවෙන් තීන්ත වර්ග දෙකක් ඇති අතර අපි නොදැනම මෙම තීන්තවල ඇති ඊයම් විස රසායනයන්ට නිරාවරනය වීමෙන් ලොව පුරා මිලියන 40 ක් පමණ අනතුරට පත්ව සිටිනවා.

තීන්තවල අන්තර්ගත බැරලෝහ විදිහට සැලකෙන ඊයම් ප්‍රධානයි. ඊයම්වල අඩංගු සංයෝග අතරට ලේඩි ක්රෝමෙට් සහ ලේඩි කාබනේට් යන සංයෝග ඇතුලත් වෙනවා. බැරලෝහ ගැන කතා කිරීමේදී බොහෝ දෙනෙක් සායම්වලට නිරාවරනය වීම නිසා බැරලෝහ ශරීරගත වෙනවාය යන කරුණ දන්නේ නැහැ. ඒත් අපි තීන්ත තෝරා ගැනීමේදී උනන්දුවක් දක්වන්නේ පහත දැක්වෙන කරුණු ගැන නොවේද…?

කල් පැවැත්වම : 

තීන්ත ආලේපනයත් අද ඉතා වියදම් සහිත කටයුත්තක්. ඒ නිසා අපිට මාස හය හතකට වරක් නිවස ආලේප කිරීම අපහසු නිසා කල්පවතින තීන්ත ගැන පාරිභෝගිකයන් විදිහට උනන්දුවක් දැක්වීම සාධාරනයි.

ඉක්මනින් වියලීම :

තීන්ත තෝරා ගැනීමේදි ඉක්මනින් වියලීම ගැනත් අවධානය දැක්වීම ඉතාම වැදගත්.ඉක්මනින් වියලෙන තීන්ත ගැන බොහෝ දෙනෙක් උනන්දු වෙන්නේ නිවසේ කටයුතු වෙනුවෙන් ඇති වෙන පහසුව නිසයි. ඒත් අපි මේ තීන්තවල ඇති ඊයම් සංයෝග ගැන උනන්දු වෙන්නේ නැහැ.

මළ නොබැඳීම :

ජලයට නිරාවරන වීම නිසා ඇති වෙන මළ බැඳීම වලක්වන තීන්ත ගැන දක්වන උනන්දුව පිරිස් අද බහුලයි. පාරිභෝගිකයාගේ පැත්තෙන් එය සාධාරණ වුනත් ඊයම් සංයෝග නිසා වත් පැත්තකින් ඇති අහිතකර බව ගැනත් යම් අවධානයක් දැක්වීම වැදගත්.

තෙතමනයට ඔරොත්තු දීම :

තෙතමනයට ඔරොත්තු දෙන තීන්ත ගැන අපි උනන්දුවක් දක්වන්නේ වැසි ජලයට නිරාවරනය වීම නිසා ඇති වෙන බිත්තියේ  ආරක්ෂාව ලබා ගැනීමට අවශ්‍ය නිසයි. ඒ වුනත් මේ පහසුකම තිබුනත් එයින් සිදු වෙන බැරලෝහ පිලිබඳ නිරාවරනය ගැන අපි එතරම් අනන්දුවක් දක්වන්නේ නැහැ.

ඊයම්වලට නිරාවරනය වෙන්නේ කොහොමද…?

තීන්ත ආලේපනයන්හි මතුපිට පෘෂ්ටයෙන් පොතු ගැලවෙන ස්වභාවයක් අපිට ඇතැම්විට දක්නට ලැබෙනවා. මේවායේ තිබෙන විෂ සංයෝග පරිසරයට එක්තු වීම නිසා අපි නොදැනම සිරුරට ඇතුල් වෙනවා. මේ විස සංයෝග ශරීරගත වීමෙන් පුසව දැක ගත හැකි රෝග ලක්ෂණ මෙසේය.

  • ආහාර අරුචිය
  • නිතර ඇති වෙන උදරාබාධ
  • හිසරදය

මෙම තත්වයන් තවදුරටත් පැවැතුනහොත් රක්ත හීනතාවය සහ වර්ධනයේ ආබාධ වැනි අහිතකර තත්වයන් පවා ඇති විය හැකියි.

ලැන්කර්ෂයර් රෝහලේ විශේෂඥ වෛද්‍ය රිචඩ් ඩීසන් විසින් පෙන්වා දෙන අන්දමට නිවස අලංකාරය වෙනුවෙන් යොදා ගන්නා තීන්ත ආලේපනයන්හි සංයෝග මගින් ඇදුම , චර්මරෝග පවා ඇති වීමට ඉතා ඉහල අවදානමක් තිබෙන බවයි.

මේ වෙනුවෙන් විකල්ප …..මෙහිදී ඔවුන් පෙන්වා දෙන්නේ තීන්ත තෝරා ගැනීමේදී විෂ සංයෝග නැති තීන්ත තෝරා ගන්න.

  • අධික ගන්ධයක් නිකුත් නොවන තීන්ත තෝරා ගන්න.
  • ජලයෙන් බුරුසු සෝදා ගත හැකි තීන්ත තෝරා ගන්න. අපි බොහෝ විට සායම් තැවරුන බුරුසුව සෝදා ගැනීමට ටර්පන්ටයින් හෝ විවිධ ස්ප්‍රිතු වර්ග යොදා ගන්නා අතර ඒවායේ අධික ගන්ධයන්ද අපේ සෞඛ්‍යට හිතකර නොවේ.
  • තීන්ත ආලේප කරන විට ජනේල ඇර තබන්න.
  • තීන්ත හොඳින් වියැලෙන තෙක් කාමරය නැවත පාවිච්චි නොකරන්න.
  • තීන්ත ආලේප කරන විට මුඛ ආවරනයක් respirat/mask පාවිච්චි කරන්න.

-Daily mail ඇසුරින්-

ඔබට මේ ලිපිය උපකාරී  වුනා නේද? ඔබව දැනුවත් කල මේ ලිපිය තවත් පිරිසකගේ දැනුවත් බවට අවැසි නිසාම දැන්ම Share කර ඔබේ යුතුකම ඉටු කරන්න. ස්තුතියි !

SHARE
හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY