දරුවන්ට රාත්‍රි ආහාරය කලින් දෙන්න

child_having_dinner_before_sleep

ඉස්සර කාලයේ අම්මලා තමන්ගේ දරුවන්ට රාත්‍රි ආහාරය ගත් විගසම නින්දට යන්න අවසර දුන්නේ නැහැ. ඔවුන් ඒ දවස්වල කිව්වේ බත් ඇට කූරු අස්සේ යන නිසා රෑට ආහාරය ගත් විගසම යහන්ගත වෙන්න අවසර දුන්නේ නැහැ. ඔවුන්ට රාත්‍රි ආහාරය සමග වූ නින්ද ගැන විද්‍යාත්මක අවබෝධයක් නොතිබුනත් කුමක් හෝ අයහපත් දෙයක්ය යන අදහස හිතේ තිබුනා.

ජපන් ජාතිකයන් රාත්‍රි ආහාරය සන්ධ්‍යා කාලයේදීම බුත්ති විඳින අතර අපේ රෝහල්වල වුනත් රාත්‍රි ආහාරය ඉතාම වේලාසන දෙනවා ඔබ දැක ඇති. සරල ජීවන රටාවක් තිබුන යුගයක අපි හුරු පුරුදුව සිටියේ රාත්‍රි ආහාරය හවස 7 සිට 8 අතර කාලයේදී ලබා ගන්නයි. එයින් පසුව රාත්‍රි දහය පමණ වෙන තෙක් යම් යම් කටයුතුවල නිරත වෙන අපි ඒ නිසාම ආහාරයෙන් ලැබෙන ශක්තිය දහනය වුනා. නමුත් අද තත්වය මීට හාත්පසින්ම වෙනස්. උදේ හයට විතර නිවසෙන් පිටත්ව යන දරුවන් නැවත නිවසට එන්නේ රාත්‍රි හත අට පමණ වේලාවක. ඒ ඇවිත් අම්මා මොනවා හරි යමක් පිලියෙල කරල දරුවන්ට කන්න දුන්නත් මේ වෙද්දී දරුවන් හොඳටෝම හෙම්බත් වෙලා. ඒ නිසා ලැබෙන දේ කොහොම හරි ආහාරයට ගෙන එසැනින්ම නින්දට යෑම ඔවුන්ගේ සිරිතයි.දවසේ කාර්යභාරය සමග මෙය සාමාන්‍ය සිද්ධියක් වුනත් රාත්‍රි ආහාරය ගත්ත ගමන් නින්දට යැමේ  ආදිනව බොහොම තිබෙනවා. මෙතෙක් අපි මේ ගැන දැන සිටියේ කාපු ගමන් නින්දට ගියොත් ආහාර දහනය පිළිබඳ ගැටලු ඇති වෙලා සිරුරේ අනවශ්‍ය ලෙසින් මේද ගබඩා වීම සහ තරබාරුව ගැන විතරයි. ඒත් අද ඒ ගැන දැනගත යුතු දේ බොහොමයි.

ඇමරිකාවේ වෛද්‍ය තිමොති මොගෙන්තලාගේ අදහස මොකක්ද බලමු


ඇමරිකාවේ වෛද්‍ය තිමොති මොගෙන්තලා සඳහන් කරන අන්දමට සෝස්, මිරිස් යෙදූ ආහාර වගේම ක්ෂනික ආහාර හොඳම නැහැ. ඒත් අද අප් අම්මලා හැන්දෑවට ගෙදර එන්නේ නයිට් කඩ වන්දනා කරගෙනයි.මෙම කඩවල තිබෙන අධික ඇසිඩ් වර්ග යෙදූ ආහාර නිසා පපුවේ දැවිලි ස්වභාවය වගේම ගැස්ටරයිටිස් රෝග තත්වයට දරුවා ඉතා පහසුවෙන් ගොදුරු වෙන්න පුලුවනි. මේයෝ චිකිත්සාගාරයේ සිදු කරන ලද චිකිත්සාගාර අධ්‍යනයන් මගින් පෙන්වා දෙන අන්දමට මෙම ආහාර කුඩා දරුවාගේ පටන් කොයි කාටත් වයස් භේදයක් නොමැතිවම අහිතකර අන්දමට බලපාන බවයි.

ඇමරිකාවේ ජාතික සංගමයේ අදහස


පවා අනුදැන වදාලේ රාත්‍රි ආහාරය අපේ පැවැත්මට අත්‍යවශ්‍ය නොවන නිසා වෙන්නැති. අද මේ ගැන අධ්‍යනයේ යෙදෙන වෛද්‍ය විශේෂඥයන්ගේ අදහසට අනුව අධික කැලරි ශක්තියකින් ආහාරයට ගතහොත් තරබාරුවට මග කියන බවයි. ඒ වගේම බොහෝ දෙනෙකුට නිරාහාරව නින්ද නොයන තත්වයෙන් පීඩා විදින්නට සිද්ධ වෙනවා. මේ නිසා වෛද්‍ය පර්යේෂකයන්ගේ  උපදෙස් වන්නේ රාත්‍රියට සැහැල්ලු ආහාරයක් ගැනීම ඉතා වැදගත් බවයි. ඒ වගේරාත්‍රි ආහාරය හතට පමණ ගැනීම වඩාත් යෝග්‍ය බව වෛද්‍ය විශේෂඥයන්ගේ අදහසයි.

” The food you crave  “ග්‍රන්ථයේ කර්තෘ  කියන විදිහට

” The food you crave  “ග්‍රන්ථයේ කර්තෘ  කියන විදිහට  රාත්‍රි ආහාරය පිලියෙල කිරීමේදී අධිශක්තිය  දහනය නොවී සිරුරට එකතු වෙනවා. මේ නිසා අනවශ්‍ය ලෙසින් තෙල් සහ ලුණු සිරුරට එක් වීමටත් රාත්‍රි ආහාරය ගත් සැනින් නින්දට යොමු වීම බලපානවා.

ඇදුම රෝගයටත් හේතුවක්…


2004 වසරේ The Amaerican Journal of Gastroenterolgy  ” මගින් පෙන්වා දෙන අන්දමට  රාත්‍රි ආහාරය ගත් විගසම නින්දට යෑම ඇදුම රෝගයට හේතු වෙන බවයි. අද දරුවන් අතර හතිය, ඇදුම වැනි රෝග තත්වයන් ඉතාම සුලබයි.  මේ වෙනුවෙන් අපේ ජීවන රටාවේ වැරදි බලපාන බව මෙම කෘතිය මගින් පෙන්වා දී තිබෙනවා.ඒ නිසා ලෙඩ රෝග ඉල්ලා ගෙව වැළ  ගන්නේ නැතුව තමන්ගේ ජීවන රටාව ගලපා ගැනීමෙන් තමන්ගේ ජීවිතයේ නිරෝගි පැවැත්ම පවත්වා ගත හැකියි.

ඔබට මේ ලිපිය උපකාරී  වුනා නේද? ඔබව දැනුවත් කල මේ ලිපිය තවත් පිරිසකගේ දැනුවත් බවට අවැසි නිසාම දැන්ම Share කර ඔබේ යුතුකම ඉටු කරන්න. ස්තුතියි !

SHARE
හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY