ගංවතුර සහ ඊට පසුව …

floods_srilanka

පැය ගණනාවක් පුරා දිගින් දිගටම ඇති වෙන නොනවතින වැස්ස අන්තිමේදී නවතින්නේ අපේ ජීවිත, දේපල වගේම වගා බිම් පවා පාලුවට පත් කරමින් වැස්ස අපිට පාලනය කිරීම අපහසු වුනත් වැස්සත්  සමග ගංවතුර තත්වයක නිමිති පහල වුනොත් අපි බුද්ධිමත්ව කටයුතු කිරීම අවශ්‍ය වෙනවා. ඒත් ඉතිං හදාගත්තු ගෙදර දොර, නිවසේ සිටින සතුන් මේ සියල්ල අතහැරල අපි කොහේ යන්නද කිව්වත් ඒ සියල්ලටම වඩා ජීවිතේ වටින නිසා ආත්මාරක්ෂාව සලසා ගැනීම අවශ්‍යයි.

ගංවතුර අවදානමක නිමිති දැනුනාම මොකද කරන්නේ….

ඔබ ජීවත්වෙන පලාතට ගංවතුර අවදානමක් ඇත්තේ නම් මුලින්ම ඔබ බුද්ධිමත්ව තීරනයක් ගත යුතුයි.

මුලින්ම ඔබේ ඇති වටිනා දේ තෝරා ගන්න. මුදල්, බැංකු පොත් රත්රන් භාණ්ඩ , අධ්‍යාපන සහතික වැනි දේ අනාගතය වෙනුවෙන් වූ සැබෑම ආයෝජනයන් බව අමතක කරන්න එපා.

ඒ සමගම නිවසේ ජලනල පද්ධති නැවතුම් කරාමයෙන් වසන්න. විදුලිය විසන්ධි කොට නිවසේ විදුලි භාණ්ඩ කල් තබාම ආරක්ෂිත යැයි සිතන උසකින් තබන්න.ශීතකරන, අධිශීතකරන වදුලිය විසන්ධි කොට ඇතුලත තිබෙන දේ ඉවත් කර තබන්න. ගෑස් ලිප හා සිලින්ඩරයද ආරක්ෂිත ස්ථානයක තබන්න. මේ සියල්ල ඉතා හදිසියේ කිරීම අපහසු නිසා ඔබ අවදානමට ඉඩ ඇති බව දැනුන විට ඒ වෙනුවෙන් සූදානම් වෙන්න.

ඔබ ආරක්ෂාව පතා නිවසින් බැහැර වෙන විට ඉතා හොඳින් නිවසේ ජනේල සහ දොරවල් වසා යන්න අමතක කරන්න එපා.ගංවතුර බැස ගිහින් නැවත යතා තත්වයට පත් වුනාම ඔබ පුරුදු නිවසට පැමිණෙනවා. ඒ පැමිණීම සමග ඔබට තිබෙන කටයුතු එතරම් ලෙහෙසි පහසු නැහැ. ඒ සමගම සම්පූර්ණයෙන්ම ආරක්ෂිතය යන නිවේදනය ලැබෙන තෙක් නිවස පැමිණීමට උත්සාහ කරන්න එපා. වතුර බැස ගියත් නැවතත් ජල මට්ටම ඉහල යෑමට විශාල අවදානමක් තිබෙනවා.

ගංවතුර ගැලූ ප්‍රදේශයන්හි ඇවිදීම ඉතා අනතුරුදායකයි. ඊට හේතුව වතුර සමග පැමිණි වීදුරු , ලී වැනි දෙයින් අනතුරක් වීමට ඉඩ තිබෙනවා. ඒ වගේම ඔබ නිවසින් යන විට තිබුන ස්වරූපයට වඩා පැමිණෙන විට පවතින ස්වරූපය බොහෝ සේ වෙනස් විය හැකියි.

කැඩුන බිදුන තැන් නිසා අනතුරු සිද්ධ වෙන්න පුලුවන්. පොලවේ බිඳුන තැන් නිසා අනතුරක් විය හැකියි.

ඒ විතරක් නොවේ ඉතාම අනතුරුදායක් තත්වයක් මෙතැනදී තිබෙනවා. ගංවතුර සමග ඇති වෙන සුලං නිසා විදුලි රැහැන් බිඳ වැටී විදුලි කාන්දු වීම් සිදු වෙන විට එයින් ඇති වෙන අනතුරු නිසා ඔබ ගංවතුරෙන් ආපදාවක් නොමැතිව ආරක්ෂා වුනත් විදුලි සැරෙන් බේරෙන්න අපහසු විය හැකියි. ඒ නිසා අනවශ්‍ය විදිහට වතුරට යට වුන ප්‍රදේශයන්හි ඇවිදින්න එපා. බොහෝ දෙනෙක් මේ වතුරට යට වුන ප්‍රදේශයේ ඇවිදින්නේ හේතුවක් ඇතුව නොවේ. ඔවුන්ට අනතුරු ඉව ගැන ඇත්තටම වැටහීමක් නැහැ. ඒ නිසා අනවශ්‍ය විදිහට ජලයට යට වුන ප්‍රදේශයන්හි ඇවිදින්නඑපා.

වතුර සමග ගසා ගෙන පැමිණි විසකුරු සතුන්ගෙන්ද අවදානම් නැතුවා නොවෙයි. පසුගිය දිනක ගංවතුර සමග ගසා ගෙන ආ කිඹුලෙක් නිවසක සිටි අන්දම ඔබ මාධ්‍ය මගින් දකින්නට ඇත. තලියේ පැනෙහි කිඹුලන් දැකිය යුතු නැති වුනත් ගංවතුර සමග නම් විසකුරු සර්පයන්ගේ ආගමනය ගැනත් අනතුරු තිබෙනවා.

නිවස ඇතුලට පැමිනීමට පෙරාතුව කුඩා දරුවන් පසෙක තබන්න. වතුරට තෙමුන බිත්ති බිඳ වැටෙන්නට ඉඩ තිබෙන නිසා මුලින්ම නිවස ඇතුලත පරීක්ෂා නර බැලීම වැදගත්.

නිවසේ විදුලි උපකරණ ඉතා ප්‍රවේසමෙන් පරීක්ෂා කරන්න. විදුලි පද්ධතිය පරීක්ෂා කොට ඔබේ නිවසේ ආරක්ෂිත බව සහතික වෙන‍ තෙක් උපකරණ ක්‍රියාත්මක ‍කිරීමට  ඉක්මන් වෙන්න එපා.

ජලය බැස යෑමට තිබෙන කාණු පද්ධති පිරිසිදු කොට වතුර බැස්මට හරින්න. විෂබීජ නාශක දියර භාවිතා කරන්න. පිරිසිදු කිරීම්වලදී පාවහන් පළඳා සිටීම ඉතා වැදගත්. විශේෂයෙන් මීයන්ගේ මුත්‍රා මාර්ගයෙන් වගේම වෙනත් විෂ සංයෝග ශරීරගත වීමට ඉඩ තිබෙනවා.

වැසිකිලිය පිරිසිදු කරන්න. නිවසට හොදින් වාතය සහ හිරු එලිය ඇතුලු වෙන සේ ජනේල අරින්න. බිත්තිවල ඇති ස්විච් ආදියට හානි වී ඇත්තේනම් ඒවා අලුත්වැඩියා කරන්න. බිත්තිවල ඉරි තැලීම්, දොර උලුවහු ආදිය වෙනස් වී ඇත්තේනම් ප්‍රාදේශීය ලේකම් කාර්යාලයට දැනුම් දෙන්න. භූමිය පිලිබඳව සැලකිලිමත් විය යතු බවට මෙම තත්වයෙන් අනතුරු දන්වා සිටින නිසා ඔබ දකින වෙනස නොසලකා සිටින්න එපා.පොත් පත් තෙමී ඇත්තේ නම් අව්වේ වියලන්න එපා. තෙමුන පිටු අතරට තීන්ත උරන කඩදාසි තබන්න. එය වියදම් අධික නිසා සාමාන්‍ය සුදු කඩදාසි තෙත පිටුවෙන් පිටුවට තබා හිසකෙස් වියලය යන්ත්‍රයක් මගින් වියලා ගන්න. එසේ නැත්නම් පවනේ හෝ සාමාන්‍ය කාමර උෂ්ණත්වයේ වියලා ගන්න.

පලා කොල මොනතරම් ගුණ දායක වුනත් ගංවතුරට පසුව නම් පලා ආහාරයට ගැනීම එතරම් සුදුසු නැ. ‍මේ පලා මගින් සිගෙල්ලා, ඊකෝලායි බැක්ටීරියා ශරීරගතව කොලරාව, වමනය, පාචනය වැනි රෝග තත්වයන්ට ‍ගොදුරු විය හැකියි.

ඔබේ ගෙවත්තේ ලිඳ ගංවතුරට ගසා ගෙන පැමිණි විවිධ දෙයින් ජලය දූෂනය තත්වයට පත්ව ඇති. ඒ නිසා ළදේ ජලය ඉස පිරිසිදු කරගන්න. පානීය ජලය පිරිසිදු නොවුනහොත් ලෙඩ රෝග වෙනුවෙන් ඇති අවදානම ඉතා ඉහලය. මේ නිසා ජලමුලාශ්‍ර පරීක්ෂා කොට ඒ ගැන සහතිකය ලැබෙන තෙක් ඉවසා සිටීම ඉතාම වැදගත් වෙනවා.

ගංවතුර ගැන වගේම ආරක්ෂාවට පිලියම් මොන තරම් පෙන්වා දුන්නත් මෙම අත්දැකීම නිසා පසුකම්පන තත්වය දරා ගැනීම වචනයෙන් කියන තරමට පහසු නැත ජීවිතය පුරා ගොඩ නගා ගත් බොහෝ දේ වතුරට ගසා ගෙන ගොස් ඔබ ජීවිතයේ අවතැන් තැනැත්තකු බවට පත්ව ඇත. මේ නිසා මානසික උපදේශන මගින් සිතේ පසුතැවිල්ලට පිලියම් ලබා ගැනීමත් ඉතා වැදගත් වේ.

SHARE
හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY