- Advertisement -

විභාගය ජීවිතයේ අප්‍රසන්න මාතෘකාවක් නොවන්නට

-

විභාගය ගැන දරුවන් අතර තිබෙන්නේ එතරම් සුබවාදී අදහසක් නොවේ. ඒ නිසාම  මේ අප්‍රසන්නතාවය තුළ අනේ මට නම් විභාග එපා වෙලා…. යන මානසිකත්වයේ රැඳුනොත් එපා වීම තවත් දරුණු අතට හැරෙනවා. අද ඇතැම් දක්ෂ දරුවන් පවා විභාග ඉදිරියේ බොහොම අසාර්ථකයි. ඒ වගේම දිනපතා පාසලේ විශිෂ්ටයන් විභාගවලදී ලබා ගන්නේ නොහිතන මට්ටමේ ප්‍රතිපල වුන අවස්ථා ගැන අපි ඉතා හොඳින්ම දන්නවා. එහෙම නම් දරුවන්ගේ හිතෙන් මේ විභාග අප්‍රියතාවය දුරු කරන්නේ කොහොමද ?…

විභාගය කරදරයක් විදිහට හිතන්න එපා

අද දරුවාගේ විභාගය බොහොම වෙහෙසකර අත්දැකීමක් බවට පත් කර ගන්නේ දෙමව්පියන් බව ඔබත් අත්දැකීමෙන්ම දන්නවා. වෙන දෙයක් තබා පස්වැනි ශ්‍රේණියේ ශිෂ්‍යත්වය විභාගය වෙනුවෙන් සූදානම් වෙන දරුවා ගැන වුනත් ඔවුන් කතා කරන්නේ අපේ පුතා මේ වතාවේ ශිෂ්‍යත්වය ලියනවා…මොන විනෝද ගමන්ද… මේ විදිහට නිතර දෙවේලේ අම්මා තාත්තා වෙහෙසකර මානසිකත්වයකින් පසුවෙන විට දරුවාටත් ඇත්තටම විභාගය ගැන ඇති වෙන්නේ අනියත බියක්. කාලයක් පුරාම ඇසෙන සහ හැසිරෙන රටාව නිසා ඔහු විභාගයට වෛර කරන තත්වයක් නොදැනීම ගොඩ නැගෙනවා.

- Advertisement -
විභාගයට සූදානම් නැද්ද….?

විභාගය ආසන්නයේ තිබියදීත් දරුවා ඒ ගැන කිසිම තැකීමක් නැතුව සිටිනවා නම් එයින් අදහස් වන්නේ ඔහු විභාගයට සූදානම් නැති බවයි. දරුවා තුළ විභාගය වෙනුවෙන් විශ්වාසයක් ගොඩ නැගීම අවශ්‍යයි. දරුවාගේ පාඩම් කිරිම අම්මා , තාත්තා තෘප්ත කරන මට්ටමට නොවුනත් ඔහු වෙතින් යම් සූදානමක් පෙන්නුම් කිරීම අවශ්‍යයි. මේ නිසා ඔබ නිතරම දරුවාගේ විභාග සූදානම ගැන අවධානයෙන් සිටීම ඉතා වැදගත් වෙනවා. ගෙදර මහ පොතක් ඇත…එකක් වත් මතක නැති තැන දරුවා සිටින්නේ නම් එයින් තහවුරු වෙන්නේ ඔහු විභාගය වෙනුවෙන් සාර්ථකව මුහුණ දීමට සූදානමක් නැති බවයි.

ජීවිතය කියන්නේ විභාගය ‍නොවෙයි

අපේ මව්පියන් දරුවන්ට ලබා දෙන අභියෝගය වෙන්නේ විභාගය සමත් නොවුනොත් ජීවිතේම අවසානයි. යන සංකල්පයයි. මේ නිසා දරුවාට  විභාග ප්‍රතිඵල මහත් අසහනයක්. ඔබ නිතරම දරුවාට විභාග වෙනුවෙන් සාර්ථකව මුහුණ දීමේ වැදගත්කම පහදා දිය යුතු වුනත් කිසිම දිනක විභාගය අසමත් වීම ජීවිතයේ අවසානය යන සෘණාත්මක අදහස් ලබා දීම නොකල යුතුමය. විභාගයට සාර්ථකව මුහුණ දෙන්න…එහි ප්‍රතිඵල අනුව ඉදිරිය තීරණය කරමු යන විකල්ප සමග විභාගයට උපරිම අන්දමින් කැපවීම සහ වෙහෙසවීම අවශ්‍ය බවත් පහදා දෙන්න.

විභාගය කියන්නේ ඔබ උගත් දෙයයි

විභාග වෙනුවෙන් නියමිත විෂය නර්දේහයක් හෝ අවම වශයෙන් ඒ වෙනුවෙන් නියමිත විෂය පරාසයක් ඇත. විභාගය සකස් වන්නේ මේ සීමාව තුළය. ඒ නිසා සූදානම තුලින් විභාගය යනු ජය ගැනීමට අපහසු කඩුල්ලක් නොවේ.පොතම පමණක් නොව රට තොට සහ ‍ලෝකයේ දැනුම, එම දැනුම තමාගේ විෂයට ආදේශ කර ගන්නා අන්දම වගේම ප්‍රශ්න පත්‍රය ඉදිරියේ තර්කානුකූලව සහ සන්සුන් මානසිකත්වයකින් මුහුණ දීමේ වැදගත්කම ගැන පහදා දෙන්න.

එක රැයකින් බැහැ

විභාගයක් සාර්ථකව ජය ලැබීම එක් රැයකින් ‍නොහැකි බව සිතන්න. බොහෝ දරුවන් විභාගයට සූදානම් වන්නේ ඒ වෙනුවෙන් අවසර පත්‍රයත් ලැබුනාට පසුවය. ඔවුන් ඒ ගැන ඉතා උජාරුවෙන් කියනුද ඇත. එහෙත් මේ අන්දමින් ලහි ලහියේ සූදානමට වඩා හෙමින් සීරුවේ වෙහෙසක් නොමැතිව සූදානම් වූවා නම් ඔහු නවතින තැන මීට වඩා වෙනස් විය හැකිය.

ඇතැම් කඩඉම් විභාගවලදී දශමය පවා වටිනු ඇත. ඒ නිසා ලකුණු මත හමා යෑමට නම් සැලසුමක් ඇතුව වෙහෙසක් නැතුව විභාග වෙනුවෙන් මුහුණ දීම ඉතා වැදගත් වේ.

මානසික ශාන්තියත් ලබා දෙන්න

විභාගයකට මුහුණ දෙන විට ඔවුන් වෙනුවෙන් මානසිකවත් යම් ශක්තියක් අවශ්‍ය වේ. ඒ නිසා නිතරම මානසිකව ශක්තිය ලබා දෙන්න. ආගමිකව හෝ යම් යම් ධනාත්මක සිතුවිලි ඔස්සේ ‍දරුවාගේ ආත්ම ශක්තිය ගොඩ නගන්න. එය ඔහුගේ අනාගතයටම විශාල පිටුවහලක් වෙනු ඇත.

විභාග හැමදාම නැහැ

ළමා කාලය නැවත ජීවිතයේ කිසිම දිනක උදා වෙන්නේ නැහැ.තරුණ කාලයත් එසේය.විභාගය වෙනුවෙනුත් කියන්නට ඇත්තේ එයම බව දරුවාට කියා දෙන්න. සාර්ථක ලෙසින් සුදානම් වන්නේ නම් එක් විභාගයක් වෙනුවෙන් ඇත්තටම මුහුන දිය යුතු වන්නේ එක් අවස්ථාවක් පමණි. එයින් උපරිම ප්‍රතිඵල ලද විට විභාගය යනු ජීවිතයේ තවත් එක් ප්‍රසන්න අත්දැකීමක් බවට පත් වෙනු ඇත.

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article