ප්‍රසූතිය සඳහා රෝහලට යන ඔබ මේ දේවල් සුදානම් කරගත්තද ?

before_the_pregnancy

කිරි කැටියාට මෙන්ම ඔබට අවශ්‍ය දේ ද කල්වේලා ඇතිව සූදානම් කරගත යුතුය. මෙසේ අවශ්‍ය බඩු බාහිරාදිය සූදානම් කර ගැනීමේදී තමන්ගේ ආර්ථීකයට සරිලන පරිදි අවශ්‍යතාව පරිදි ඒවා සකස් කරගැනීමට මතක තබාගත යුතුය.

මවට අවශ්‍ය දේවල් :

  • බෙඩ් ජැකට්   04
  • චීත්ත   04
  • දත් බුරුසුවක්, දත් බෙහෙත්, සබන් කැටයක්
  • පිඟානක්, කෝප්පයක්, හැන්දක්
  • ඉනට රෙදි පටි කිහිපයක් (සනීපාරක‍ෂක තුවා ඉනෙහි රඳවා ගැනීමට)
  • මධ්‍යම ප්‍රමාණයේ ෂොපින් බෑග් 2 (කිලිටි රෙදි සඳහා)
  • රබර් සෙරෙප්පු ජෝඩුවක්
  • කොණ්ඩය බැඳීමට පටියක්
  • කුඩා උණු වතුර බෝතලයක්
  • වතුර බෝතලයක්
  • සීනි/තේ කොළ/කිරිපිටි දැමු කුඩා බඳුන්
  • මවගේ උප්පැන්න සහතිකය
  • මවගේ ජාතික හැඳුනුම්පත
දරුවාට අවශ්‍ය දේවල් :

  • බේබි ෂීට්           08
  • නැප්කින්            12
  • දරුවා එතීමට රෙදි  03
  • 36 X 36 ප්‍රමාණයේ කපු රෙදි     03
  • රබර් ෂීට්  01
  • ළදරු තුවා 01
  • ළදරු පනාවක්
  • ළදරු තොප්පි 01
  • ළදරු මේස් ජෝඩු  01

පෙර සඳහන් කළ මෙම බඩු ලැයිස්තුව අනුව සූතිකාගාරය තුළට ගෙන යා යුතු දේවල් වෙනම බෑගයකට දමා එහි මවගේ නම ලියා වෙනමම සූදානම් කරගත යුතුය.

සූතිකාගාරය තුළට ගෙන යා යුතු ද්‍රව්‍ය :

  •  බෙඩ් ජැකට්  02
  • චීත්ත  02
  • දරුවාට ඇඳුම් 02
  • නැප්කින්  02
  • ඉනට පටි  02
  • උණුසුම ආරක‍ෂා වන පරිදි දරුවා ඔතා තැබීමට රෙද්දක්
  • ළදරු තොප්පිය
  • ළදරු මේස්
  • ෂොපින් බෑග් 02
  • සනීපාරක‍ෂක තුවා ජැකට්  01
අවශ්‍ය ද්‍රව්‍ය පිළියෙල කිරීමේදී සැලකිලිමත් විය යුතු කරුණු :

මව විසින් පිළියෙල කරගත් හෝ සාප්පුවෙන් මිලදී ගත් ඇඳුම් රෝහලට ගෙන යාමට පෙර හොඳින් සෝදා තද අව්වේ වේලා හොඳින් මැද ගැනීම කළ යුතුය. එමෙන්ම සුුදුසු පරිදි ඇදුම් වර්ග කර වෙන වෙනම අසුරා ගැනීම සුදුසු වේ.

උදාහරණ ලෙස : රෝහලට ගෙන යන ඇදුම්, සූතිකාගාරයට ගෙන යන ඇදූම් ආදී ලෙස වේ.

ඒ මගින් ඔබ නැතත් ඕනෑම කෙනෙකුට අවශ්‍ය දේ ඔබ වෙත ගෙනවිත් දීමට හැකිවනු ඇත. සෑම කාන්තාවක්ම තම නිවස වෙන කවරදාටත් වඩා පිරිසිදු කර මනාව සංවිධානාත්මකව සකස් කිරීම සිදු කරනවා. මුළු නිවසම නැවත සකස් කිරීමක් සිදු වෙනවා කිව්වොත් නිවැරදියි. හරියට අලූත් ව්‍යාපෘතියක් දියත් කරනවා වගේ.

සති 35 දී, ඔබ ඉන්නේ ඔබේ බිළිඳා ලැඛෙන්න නියමිත දිනට හරියටම මාසයකට ඈතින්. ඔබේ සහකරු දැනුවත් කිරීම අවශ්‍ය වෙනවා ඔබේ දරු ප්‍රසූතිය සිදුවන රෝහල පිළිබඳව. එමෙන්ම ඔබට ලබා දී ඇති දිනයේදී දරුවා ලැබීමට පැය 24 කට පෙර රෝහලට පිටත්ව යාමට මතක තබාගත යුතු වෙනවා.

රෝහලට යාම පිළිබඳ පෙර සූදානමක් ලෙස ඔබ දෙපලට රෝහලට යාමට හොඳම කාලය මෙයයි. ඒ තුළින් ප්‍රසූතිකාගාරය ඇත්තේ කොහිද? වාට්ටු ඇත්තේ කොහිද? පළමුව යා යුත්තේ කොතැනටද යන ආදී දේ පිළිබඳ පෙර සූදානම් වීමක් ඇති කර ගැනීමට ද හැකියාවක් ලැඛෙනවා.

මෙම ලිපිය කොළඹ විශ්වවිද්‍යාලයේ කථිකාචාර්ය සහ ද සොයිසා කාන්තා රෝහලේ ප්‍රසව හා නාරිවේද විශේෂඥ, වෛද්‍ය ප්‍රබෝධන රණවීර මහතා සමග සකසන ලදී.

 

ඔබට මේ ලිපිය උපකාරී  වුනා නේද? ඔබව දැනුවත් කල මේ ලිපිය තවත් පිරිසකගේ දැනුවත් බවට අවැසි නිසාම දැන්ම Share කර ඔබේ යුතුකම ඉටු කරන්න. ස්තුතියි !

SHARE
අධ්‍යාපනික අතින් කොයිතරම් උසස් මට්ටමක හිටියත් අම්මෙක් වුණාම ඇති වන ගැටලූවලට අපි ළඟ පිළිතුරු නෑ. මව්පදවියත් එක්ක දහසකුත් එකක් ප්‍රශ්න මටත් ඇති වුණා. ඔය අතරෙදියි මව්වරුන් වෙනුවෙන්ම වෙන්වුණු පුවත්පතක සංස්කාරකවරිය විදියට සේවය කරන්න මට අවස්ථාව ලැබුණේ. අම්මා කෙනෙක් විදියට මට ඇති වෙන ගැටලූ අධ්‍යාපනය අතින්, මිල මුදල් අතින් ඉහළ, පහළ ඕනෑම තරාතිරමක හැම අම්මා කෙනෙක්ටම පොදුයි කියලා ඔය අතරෙදි මම තේරුම් ගත්තා. මගේ අත්දැකීම්, දරුවන් ගැන මට තියෙන ගැටලූ ගැන වෘත්තීමය සුදුසුකම් සහිත පුද්ගලයන් එක්ක සාකච්ඡ කරලා, සටහන් කරන්න මම හිතුවේ දහස් ගණනක් මව්වරුන්ට නිවැරදිම මගපෙන්වීම අවශ්‍ය බව දැණුනු නිසා.

LEAVE A REPLY